ESBEES-imi maluginiarsimavarput, sullitat ilaasa akeqanngitsumik siulersuisunik aaliangersimasuninngaanik ilanngussisoqartartoq. Eqqaanngisavut puigussanngilagut.
Aammali takusarparput, suliffeqarfiit eqqortunik illuatungilersorneqarneq ajortut, eqqunngitsumillu siulersuisunik aaqqissuussisoqartartoq. Suliassaqarfinnili aaliangersimasuinnarninngaannik toqqartuineq ilaanni akikinnerusinnaasaraluartoq, siunissaq eqqarsaatigalugu akisunerusinnaavoq.
Tassami siulersuisut akikitsuinnaat toqqaraanni pitsaanerpaat tunulliunneqartarput – kisianni eqqaamassavarput akikinnersiuisarneq ilaanni eqquinerlunnermik akisunerusumillu kinguneqartarpoq.
Siulersuisut tassaapput qullersat nakkutilliisussaat, ineriartornermillu qulakkeerinnittussat. Siulersuisut tassaammata qullersat isummersoqatigisagassaat. Siulersuisut aamma tassaapput inatsisitigut pisussaatitaaffillit, siulittaasullu siulersuisunullu ilaasortat suliassaat tamarmik ilisimaarineqartarput. Suliffeqarfiup qullersai siulersuisullu suleqatigiillutik suliffeqarfik ingerlatissavaat.
Tamarmik pisussaaffeqaraluarlutik, siulittaasup qulakkiigassarivaa siulersuisut ukiumut anguniagassaat, periusissiornissaq, iliuusissanik pilersaarusiornissaq, aningaasaqarnermut pilersaarusiornissaq ataavartumillu nalunaarusiortarnissaq. Taamatuttaaq suliassaq annertungaatsiartoq ingerlanneqartarpoq, tassalu siumut isigaluni sakkussanik qinaasisarneq, suliffeqarfiup ingerlanneqarnissaanut pisariaqartorujussuaq.
Ullutsinni sakkussat pingaarutillit ilagaat BI (Business Intelligence) – tassaasut paasissutissat susoqarsimaneranut allaaserineqarsimasut, taakkuami atorlugit siunissaq eqqarsaatigalugu aaliagingassanut tunngaviliisussat. Suliffeqarfik ingerlatissagaanni paasissutissat iluamik allaaserineqarsimasariaqarput, taakkuuppullu siulersuisut nakkutilliinerminni suliffeqarfiup ingerlanneqarnerani qulakkiigassaat.
Nalorninaateqarsinnaasut aqunneqarnissaat siulersuisut suliaasa pingaaruteqartut ilagaat, tamannalu nangartarneqarsinnaanngilaq.
Suliffeqarfiup siulersuisuisa, minnerunngitsumillu siulersuisuni siulittaasup ataavartumik suliassaraat suliffeqarfik sukkut tamatigut illersornissaa, soorlu nittartakkat aqqutigalugit ajortisaarinianut, suliffeqarfiup iluani napparsimasoqarneranut, sulisut ataavartumik pissarsiarisinnaaneranut, aningaasanik tiguinnariaasoqarnissaanut, teknologip ineriartornissaanut il.il.
Suliffeqarfivit siulersuisussaanik atorfinitsitassarsiuigaangatta sumiiffikkuutaanik immikkoortiterineq ajorpugut. Inuummi, inuillu piginnaasamikkut eqqortunik piginnaasallit suliffeqarfinnut piffissami tassanerpiaq atorfissaqartitatit nassaarerusuttarpavut – taakkualu suliffeqarfiit qaffassassavaat. ESBEES-illu isumaani taamaalioraanni piukkunnaatillit nassaarineqarsinnaapput.
Pingaaruteqartorujussuuvorlu siulersuisut, suliffeqarfinni siulersuisuunissaminnut piffissaqarluassasut. Ilaatigummi naammattoortarpavut siulersuisunut ilaasortat piffissaqarpianngikkaluarlutik akuusut.
Tamannalu suliffeqarfinnut ajornartorsiutaavoq, siulersuisutullu sulinermi iluamik tunngaviliineq ajorluni. Siulersuisut ajunngitsumik ingerlasut amerlasuujupput, taamaattorli pitsanngorsarneqartuarsinnaapput ineriartortinneqarlutillu.
Siulersuisut siulersuisuni sulissapput – siulersuisuni issiassanngillat.
Ingerlaannaq attaveqarfigitigut. Mailikkut oqarasuaatikkullu attaveqarfigineqarsinnaajuaannarpugut.
SIANERIT: +45 20 27 46 66
Ingerlaannaq attaveqarfigitigut. Mailikkut oqarasuaatikkullu attaveqarfigineqarsinnaajuaannarpugut.
SIANERIT: +45 20 27 46 66
