ATORFINITSITASSARSIORNEQ UUMMAT QARASARLU ATORLUGIT

PIUMASSUSEQARLUARTUMIK ATORFINITSITASSARSIORSINNAAVUGUT

ESBEES-imi piumassusilimmik ujaasigaangatta uummatikkut qaratsakkullu eqquilluarnissarput sulisarpugut.

Suliffeqarfik INUNNIK suliffeqarfiup anguniagaanik piviusunngortitsiniaasussanik imaqartarpoq. Taamaammat atorfinitsitassarsiorneq ilutsinik aalajangersariikkanik ilusilersoreerlugu suliaaneq ajorpoq.

ESBEES-mi naleqartilluagarput erseqqissumik nalunaarsornikuuarput: Uummatip qaratsallu misigissusai naapertuuttariaqarput.

Inuit naligiissut ilisimasanik avitseqatigiittarput anguniagaqaqataallutillu. Piumassuseq anguniagaqassuserlu ataatsimooraangamik anguniakkap anguniarnissaa oqinnerusarpoq. Taamaammat inuttut naleqartitat pingaartitaralugit inuit eqqortut innersuuttarpagut.

Suleriuserput tassaasarpoq ataasiinnaq nakkunnagu, inuit pitsaaffigisaat, piginnaasaat, misilittagaat, kinaassusaat qanorlu pissuseqarnerat naapertorlugu naliliisarneq.

Atorfinitsitassarsiorneq uummatigissussarsiornerlu

Uummat tassaavoq ilisarnaataasoq: Misigissutsinut paasinninnermut, ulluinnarni misigisanut, inummut paasinnittariaatsimut, inuttut pingaartitanut, unneqqarinnermut, inuit naligalugit aaliangernernut, inuit allat eqqarsaatiginerinut, qanilaassusermut, pitsaasumik misigisaqarnermut, inuit naligiinnerinut, pitsaasumik eqqarsartariaaseqarnermut anguniagaqarnermullu, naapertuulluartunillu inerniliisarnernut.

Inuttut piginnaasat uummateqatigiissuserlu naapertorlugu, suliffeqarfiup suliai pingaarnerit tunaartaralugit atorfinitsitassarsiortarpugut. Paaseqqissaarniartarparput atorfillip suliffeqarfiullu naleqartitaat, tatiginassusaat anguniagaqarnerallu naapertuunnersoq.

Eqqarsarsinnaassuseq tassaasarpoq: Piginnaasanik takunnissinnaaneq, ajugaarusussuseqartumik kinaassuseqarneq, pitsaassuseqarneq, takussutissartalinnik misilittagaqarneq, suliffeqarfimmik siunnersuisinnaaneq ineriartortitsinerlu, suliassanik ilisimaarinninneq, peqqissaartuuneq pitsaassuseqarnerlu, malunnaarsaarneq, tamanik takunnissinnaaneq, attaveqaqateqarluarneq, misissuisinnaassuseq, qularnaveeqquteqarneq, sukkasuumillu iliuuseqarsinnaaneq.

Eqqarsarsinnaassuseq atorlugu atorfinitsitassaasinnaasut ilinniarsimanerannut uppernarsaatit, sulinermi misilittagarisimasaat angusimasaallu suliffeqarfiup pisariaqartitaanut naapertuunnersut misissortarpagut.

Atorfinitsitsinissaq qulaaniik isigalugu ima ingerlariuseqarpugut:

STEP #1

Pituttuisuunngitsumik ataatsimeeqatigiissaagut, ilissinni, uagutsinni allamiluunniit.
STEP #2

Kaffisorujuujutigaluta. unammilligarsi eqqartussavarput, timitalerlugu – pilersaarusiallu eqqartorlugu.
STEP #3

Suliassaq paaseqqissaassavarput. Taamatut iliulerutta periutsisi naapertorlugit atorfinitsitassaasinnaasoq kinaassusersiniassavarput, suliffeqarfissilu periusai paasiniaqqissaarlugit – eqqartoriikkavut eqqartunngisavullu.
STEP #4

Suliassarput tigussavarput, piumassuseqarsinnaasullu ujartussavagut. eriarfissatsialaasut nassaarissavagut ilaatigut suleriuserput atorlugu, oqaaseqaatit imaluunniit suliffigisimasaanniik inuttut oqaloqateqarnitsigut – naggataatigullu inuttut atorfinitsitassaq naapillugu misissuiffigissavarput ilaatigut inuttut qanoq ittuussusaa misissorlugu, qanoq qisuariartarnersoq misissorlugu, suleqatigiit akornanni suleriusaa misissorlugu ilaatigullu 5-faktorprofil aamma 360º-analyse atorlugu.
STEP #5

Suliagut misissoqqissaassavagut. Sulilersikkusussinnaasatta misissuiffiginerani inernerit ataatsimoorluta nalilersussavagut, ilissilu piumasassinnut naapertuunnersoq inerniliiffigalugu.