CV sulisimanermut tunnganerusoq

Suliffeqarfinnut qinnuteqaruit pingaaruteqarluinnarpoq immikkoorterisoqarnerani, immikkoortitanut oqaloqatigeqqitassanut ilanngunneqarnissat. Taamaammat CV pitsaasumik suliarinissaa pingaaruteqarpoq kiisalu paasissutissanik eqqortunik paasissutissiinissaat. Pisortaanerugaluaruit, aqutsisooqatigiinni aqutsisooqataaniaraluaruit – immikkulluunniit ilisimasaqaruit assigiimmik pingaaruteqarpoq.

CV Executive Summary imaluunniit Extended CV atorlugu suliarisinnaavat. Tamatuma pitsaaqutigaa sekundit 15-it iluinnaani illit, piginnaasavillu takuneqarsinnaanissai – tamannalu pingaaruteqarluinnarpoq suliffeqarfimmi aqutsisup imaluunniit headhunterip CV-it atuapallakkusussimappagu.

Executive Summary atuaraanni, eqimattanullu eqqortunut inissinneqarsimaguit takuneqarsinnaalersarpoq suut angusimasatit pitsaasut atorluarneqarsinnaanersut, tassanilu Extended CV atorneqalersarpoq.

Executive Summary pitsaasoq tassaasarpoq CV-mi qupperneq saqqarleq, tassanilu atuartup pilertortumik paasipallassinnavai ilinniakkatit, sulinerni misilittakkatit piginnaasatillu pingaarnerusut.

Executive Summary makkuninnga imaqassaaq:

Executive Summary:

1. Qulaaniit “paasissutissat pingaarutillit” (atit, attaveqarfigineqarsinnaaffitit, aappaqarnersutit) assillu (pingaaruteqarpoq)

2. Siunissaq pillugu oqaaseqaasiussaatit, tassanilu annerpaamik titarnerit pingasut atussavatit.

3. Ilinniakkatit ataasiakkaarlugit allatussavatit, ukiut tamaasa – ukioq aallartiffigisat ukiorlu naammassiffigisat allattorlugit

4. Suliffigisimasatit ataasiakkaarlugit allattussavatit, ukiut tamaasa – ukioq aallartiffigisat ukiorlu uniffigisat allattorlugit

5. Naggataatigullu paasissutissat pingaaruteqarsinnaasut allat allattussavatit, taakkunannga nalilersorluarneqarsinnaanerit pisarmat (soorlu oqaatsit atukkatit, siulersuisuni ilaasortaaffiit pingaarutillit, saqqummersissimasatit, allaaserisimasatit il.il.)

Qulaani allattukkagut quppernermut ataasiinnarmut naammatsinniarsarissavatit, eqqaamassavallu suliffigilerusutannut pingaaruteqarsinnaasut kisiisa allaaserissagakkit.

Atorfimmut qinnuteqarfigisannut piginnaasaqarluartuunersutit CV-mik atuartup nalilersinnaappagu, quppernerit tulliuttut ilinnut tunngasut, illillu angusarissaarfigisimasatit quppernerni tulliuttuni atuarsinnaassavai.

Quppernerup tulliani, itinerusumik nassuiassavatit ilinniakkatit suliffigisimasatillu. Tassani paasissutissat itinerusumik allaaserisinnaavatit, uagullu innersuussutigisinnaavarput Extended CV makkuninnga imaqassasoq:

Extended CV:

1. Ilinniakkanni sammisimasatit ersarissarsinnaavatit, suliavit pingaarnerup imarisai – naggataatigullu ilisimasat suunersut paasisaqarfigisimatit allaaseralugit.

2. Suliffigisimasatit allaaserilerukkit, pingaaruteqarpoq angusimasatit allaaserinissai, suliassarisimasatit, attaveqarfigineqarsinnaasunik suliffeqarfimmullu tunngasunik paasissutissat il.il.

3. Sunngiffik

4. Saniatigut suliffigisimasat

5. Ilaalu ilanngullugit

CV suliarilerukku pingaaruteqarpoq atuaruminarsarlugit suliarisimassagitit, tamannalu piffissamik atuiffigilluassavat. Kisianni eqqaamassavat ilisserutinik atuissagaluaruit paasissutissat allaaserinerini allaaserinniffissamik killiliisuusinnaammat – illimmiuna pillutit allaaserisatit atorlugit paasisaqarnerorusuttugut.

ILLIT ilisarisimanerulerusuppatsigit, taamaammat neriuutigaarput CV suliffigisimasannik imaqartoq CV-nut toqqortaasivitsinnut ikkutissagit.

Tassani aamma pappilissat pingaaruteqartut allat ikkussinnaavatit.