CEO, CFO, CIO aamma COO SUUGAMIK?

CxO-mik qulequtallit

Qulequttat CEO, CFO, COO il.il. CxO-nik taaneqarsinnaasarput. Qulequttat taakkua suliffeqarfinni angisuuni atorneqarajuttorujussuupput, taamaalilluni nalornilersitsisoqarsinnaasarluni atorfiit qanoq isumaqarnersut. C-suite-mik qulequtsiisarnerit amerlasuujupput, C-suite-lu naalisaataavoq suliffeqarfiup qullersaqarfiani atorfilinnut. Tamannalu aallaaveqarfigaa suliffeqarfimmi atorfiit qaffasinnerpaani inissisimasoqarnera.

C-suite-mi qulequttat naliginnaanerpaat atorneqartut tassaasarput Chief Executive Officer (CEO), Chief Financial Officer (CFO), Chief Sales Officer (SCO) aamma Chief Operating Officer (COO).

C-suite-mi/C-level Executives-it ataatsimoorussamik ilisimasaqaatigaat suliffeqarfissuarni pisuni tamani, pitsaasuni pitsaanngitsunilu aaliangersinnaassuseqartuusarmata.

Suliffeqarfinni annerusuni qullersaqarfinni atorfinissagaanni, ilaatigut piumasaqaataasarsinnaasarpoq ukiorpaalunni misilittagaqarsimanissaq, suliffeqarfiulluunniit iluani qaffasinnerusumik atorfeqaleriartorsimanissaq – atorfeqarnerullu iluani aqutsisinnaassuseqarnermik takutitsisimanissaq. Suliffeqarfissuarmili qullersanngorusukkaanni aamma periarfissaavoq suliffeqarfimmik mikisumik aallartitseriarluni alliartortinneqarluarpat.

Qanorluunniit aallartikkaluaraanni aqutsisut C-suite-miittut teknik-ikkut piginnaasaqartariaqarpoq allatigullu siammasissumik piginnaasaqarluarluarnissaat – soorlu assersuutigalugu attaveqaqatigiinnermi, aqutsinermi aammalu periusissiornikkut takorluuisinnaassutsikkut piginnaasaqarluarneq.

Suliffeqarfiit minnerusut naliginnaasumik C-suite-mik ataasiinnarmik atorfissaqartitsisarput. Suliffeqarfik mikisoq atorfinnik pigaarutilinnik allanik ingerlatsisoqarsinnaasarput, soorlu aningaasaqarnermut imaluunniit nittarsaassinermut tunngasut kisianni C-suite-mut nallersuunneqarsinnaanngitsunik atorfeqartoqarsinnaasarluni.

C-suite-mik qulequtallit misissuataarnikuuagut

CCO marlunnik isumaqarsinnaavoq

CCO tassaasinnaavoq Chief Communications Officer, tassaallunilu attaveqaqatigiinnermi pisortaq. CCO-p suliassarivai suliffeqarfiup iluani, suliffeqarfiullu avataani attaveqaqatigiinnermut tunngasut. Periusissiornerit naapertorlugit attaveqaqatigiinnermut tunngasut aaliangersarneqartarput, ataavartumillu attaveqaqatigiittuarnissaq qulakkeerniarneqartarpoq, suliffeqarfiup periusissiami allaaserisimasai anguniarlugit.

CCO aamma Chief Commercial Officer-itut taaneqarsinnaasarpoq, tassaallunilu tuniniaanermi nittarsaassinermilu pisortaq. Taassuma suliassarivai suliffeqarfiup tusaamaneqarluarnissaa ilisarisimaneqarluarnissaalu. Suliassat pingaarnerusut tassaasinnaapput tuniniaanermi periusissiornissat, suliffeqarfiup ilisarnaataanut tulluartut. Tuniniaanermi pisortaagaanni paasinarluartumik qulequtsiinerup takutippaa suliffeqarfiup tuniniaanermi kaaviiaartitsinissaa qulakkeerneqassasoq.

CDO tassaavoq Chief Digital Officer

Chief Digital Officer digital-i pillugu pisortaavoq. CDO-p akisussaaffiisa ilagaat suliffeqarfimmi periusaasut naliginnaasut digital-iunerusunut tulluarsarnissai. Tassani akisussaaffiusinnaallutik nutaaliorluni, teknologi nutaaliaasoq atorlugu suliffeqarfimmi kaaviiaartitsinerunissamik qulakkeerinninniarneq, aammali suliffeqarfiup sipaaruteqarsinnaanera qulakkiissallugu. CDO-p akisussaaffiisa ilagisinnaavaa suliffeqarfiup iluani attaveqaqatigiinnerup digital-iusumik pitsanngorsarnissaa akikinnerusumillu ingerlanneqarsinnaanera qulakkiissallugu.

CEO – Chief Executive Officer

CEO tassaavoq Chief Executive Officer, tassaallunilu suliffeqarfissuarmi pisortaaneq – taassumalu akisussaaffigalugu suliffeqarfissuup aqutsisuini, allaffeqarfianilu aqutsisuunissani. Pisortaaneq tassaavoq suliffeqarfissuarmi qullersaasoq. Amerlanerpaatigut CEO tassaasarpoq suliffeqarfimmik pilersitsisimasoq, taassumalu suliffeqarfiup siunertai, takorluugai anguniagaalu aqutsisuuffigisarpai. CEO-p akisussaaffigaa suliffeqarfiup pisisartullu akornanni attaveqarnissaq, taassumalu akisussaaffigai aningaasartuutissanut pisiortornissamullu pilersaarutinut tunngasut akuersissuteqarfigissallugit. Pingaarnertulli suliassaraa suliffeqarfiup periusissiai naapertorlugit ingerlatsinermik qulakkeerinninnissaq, periusissiallu naapertorlugit anguniakkat angunissai. Pitsaasumik pisortaanerussagaanni aqutsisuusariaqarpoq aqqutissiuisinnaasoq atortussanillu tunioraasoq, akornutaasunillu sunilluunniit piiaasinnaasoq.

 

CFO – Chief Financial Officer

CFO tassaavoq Chief Financial Officer, tassaalluni aningaasaqarnermut pisortaq. CFO-p akisussaaffigai suliffeqarfiup aningaasaqarnerata pilersaarusiornissaa. CFO-p aaliangigassaasa ilagai qaqugukkut sumilu aningaasaliisoqassanersoq, suliffeqarfissuullu aningaasaqarnerata annertusarnissaa eqqarsaatigalugu nalorninarsinnaasunik nalilersuinissaq. CFO-p aningaasaqarnermut ilisimasani atorlugit aningaasaqarnermut nalunaarutinik ikorfartuisarpoq – tamatigoortumillu nalilersuisinnaassuseqartarpoq suliffeqarfiup soqutigisai aallaavigalugit. Piffinni amerlanerpaani CFO pisortaanermut suliffeqarfiup annertusarnissaanut periusissiornissaanullu siunnersortaasarpoq.

 

CHRO – Chief Human Resources Officer

CHRO tassaavoq Chief Human Resources Officer, sulisoqarnermut pisortaq. Atorfiulli qulequtaa aamma CPO-tut taaneqarsinnaavoq (Chief People Officer). Taassuma akisussaaffigaa suliffeqarfiup Human Resource Management-ia (HRM). CHRO-p suliarisarpai aqutsisuuneq HR-ilu, suliffimmi pissusilersuutissanut tunngasunik aammalu sulisunut tunngatillugu suliassaasinnaasut.

 

CINO – Chief Innovation Officer

CINO tassaavoq Chief Innovation Officer (ilaanni CIO-mik taaneqartartoq) – tassaallunilu Nutaaliornermut pisortaq.

CIO-p ulluinnarni suliassarivai teknologi nutaaliaanerusut atorlugit aaqqissuussinerit. Siunertaq tassaavoq suliffeqarfik nunarsuarmi unammillernissamut nukittorsarnissaa.

 

CMO – Chief Marketing Officer

CMO tassaavoq Chief Marketing Officer, nittarsaassinermut pisortaq. CMO-p akisussaaffigivai nittarsaassinermut suliassat tassaasinnaasut tuniniaanermi aqutsineq, pisiassanik ineriartortitsineq, ussassaarutit, pisisartut suunerinik misissuinerit kiffartuussinermilu saaffiginnittunik sullissineq. CMO-p pingaarnertut suliassarai immikkoortortaqarfiit soqutigisaat aallaavigalugit nittarsaassinermi pitsanngorsaanissani. Soorlu pilersaarusiornermi, inerisaanermi, sulianik atuutsitsilernermi aammalu nittarsaassinermut tunngasuni periusissianik nakkutiginninnissaq.

 

COO – Chief Operating Officer

COO tassaavoq Chief Operating Officer, pisortaanerullu tulliatut taaneqarsinnaalluni. COO-p akisussaaffigaa suliffeqarfiup ingerlanneqarnera. COO CEO-mut toqqaannartumik attaveqartuuvoq, taassumalu ikiortaatut taaneqarsinnaalluni. Suliffeqarfiit ilaanni COO aamma Executive Vice President of Operations-itut ilisimaneqartarpoq.

 

CPO marlunnik isumaqarsinnaavoq

Chief Product Officer tassaasoq nioqqutissanut pisortaq. CPO-p akisussaaffigai suliffeqarfiup nioqqutissai taassumalu suliarineqarneri. Ataatsimut isigissagaanni CPO-p akisussaffigai nioqqutissat suliarineqarneri, nioqqutissat inerisarneqarneri, siammarterneqarneri pisiortornissarlu. Nioqqutissanut pisortap akisussaaffigisinnaavai suliffeqarfiup siunissami nioqqutigilerumaarsinnaasaasa inerisarnissai.

Chief Procurement Officer pisiortortuuvoq. CPO-p suliassarisinnaavai nioqqutissat pisiarinerinit tiguneqarnissaanut, allaffissornikkut aqutsinissani, atortunillu pisiassanik pisiortornissani. Pisiortornermi pisortap akisussaaffigaa aningaasartuutit pisiortornermut tunngasut, tuniniaasunik toqqaanissaq, nakkutilliinissaq aammalu isumaqatigiissutissanik isumaqatigiinniarnermi peqataanissaq.

 

CSO pingasunik isumaqarsinaavoq

Chief Sales Officer tassaavoq tuniniaanermi pisortaq (-pisortaaneq), akisussaaffigalugulu suliffeqarfiup tuniniaanissaa. Tuniniaanermi pisortap suliassarivai tuniniaanissani, amerlanerpaatigullu tuniniaanermi immikkoortortaqarfimmi qullersaanissani. Tuniniaanermut pisortaq nammineerluni tuniniaasinnaavoq, sulisullu tuniniaanermik suliaqartut, soorlu Key Account Managerit, tuniniaanermilu siunnersortit ikorfartorlugit kajumissuseqarluarnissaallu qulakkiissallugit.

Chief Security Officer tassaavoq Isumannaallisaanermi pisortaq (-pisortaaneq). CSO-p akisussaaffigaa suliffeqarfimmi isumannaallisaaneq tamakkiisoq, tassaasinnaasoq timitalerlugu isumannaallisaaneq, IT atorlugu isumannaallisaaneq il.il. Isumannaallisaanermi pisortaq atorfiuvoq siammasittoq, suliassallu suut suliarineri apeqqutaallutik assigiinngitsunik akisussaaffiligaasartoq. Assersuutigalugu CSO IT-mik sulialinnut attuumassuteqarsimassappat, ilimanartorujussuussaaq IT-mut isumannaallisaaneq CSO-p suliassarissagaa pigaarneq. Nioqqutissiornermili CSO-ugaanni suliassaq pigaarneq tassaassavoq sulisunut maskinanullu isumannaallisaanermut tunngasut.

CSO naggataatigut Chief Solution Officer-itut taaneqarsinnaavoq, tassaallunilu Iluarsaassinermut pisortaq. Iluarsaassinermi pisortap akisussaaffigivaa suliffeqarfimmi nutaaliornikkut teknologimilu ineriartortitsinissaq tunniussisinnaassuseqarnerlu. Suliffeqarfiit ilaanni Iluarsaassinermut pisortaqartoqartarpoq. Nioqqutissanut pisortamut taarsiutaasinnaasoq.

 

CTO – Chief Technology Officer

CTO tassaavoq Chief Technology Officer, tassaallunilu teknologimut pisortaq imaluunniit pisortaaneq. CTO-p nakkutigisassarivaa ineriartornerup ingerlatsinerullu ataqatigiissumik ingerlatsisoqarnersoq. CTO naliginnaasumik teknikkikkut suliaqartunut akisussaasuusarpoq, aammali periusissiat nutaat atorlugit pitsanngoriartuutissanik ingerlatsineq.

CIO-mut suliassat assingusinnaapput, suliffeqarfiimmi ilaanni suliassat assigiit ataatsimut suliarineqartarput. Assigiinngissuserlu annerpaaq tassaavoq CIO-p system-it paasissutissiinermut atortut atorlugit pitsanngorsaanerit nakkutigisarmagit, CTO-llu akisussaaffigalugit teknologimut periusissiat atorlugit, nioqqutissat pitsanngorsarnissai nakkutigisarmagit.

 

CVO – Chief Visionary Officer

CVO tassaavoq Chief Visionary Officer, tassaallunilu Ineriartortitsinermut pisortaq. CVO-p takorluukkat aningaasarsiorfiusinnaasunullu tunnganerusut periusissiornikkut anguniarnissai qulakkeerniartussaavai. Atorfik taamannak qulequtalik Danmark-imi suli atugaavallaanngilaq.

 

CQO – Chief Quality Officer

CQO tassaavoq Chief Quality Officer, tassaallunilu Pitsaassutsimut pisortaq. CQO-p akisussaaffia siammasissuuvoq pitsaassutsimullu tunngassuseqarluni. Ilaatigut nalorninaateqarsinnaasunik aqutsinermik isumaginninneq, tassaniillutik siumut takorluuisinnaassuseqarneq, nakkutilliineq, ajutoortitseriataarsinnaasunillu pinngitsuuisitsitsineq. Suliffeqarfiit ilaanni atorfik taanna Chief Risk Management Officer-itut taaneqartarpoq.

Qulequttat CxO-mik aallartittut, siulersuisut imaluunniit CV pillugit ilisimasaqarnerorusuppit?

Ataani atuarsinnaavatit allaaserisat immikkut toqqarnikuusagut!
20/5 listen

20/5

20/5-listen består af 20 ting, som gør, at du trives på din arbejdsplads, samt 5 ting, som du gerne skal undgå. Din 20/5-liste skal

Læs mere
CEO; CFO; headhunting, rekruttering

C-titlerne

Hvad er CEO, CFO, CIO og COO? CxO titlerne  Titlerne som CEO, CFO, COO m.fl. kan også omtales som CxO titlerne. De anvendes af mange

Læs mere