APEQQUTIT AKISSUTISSALLU

Her kan du læse om de mest stillede spørgsmål vi modtager ved esbees

IMARISAI

Atorfinitsitsineq sunaana?

Atorfinitsitsineq tassaavoq sulisumik nutaamik atorfinitsitsineq. Suliffeqarfiup iluani atorfinitsitsisoqarsinnaavoq, assersuutigalugu suliffeqarfimmi sulisooreersoq allamik atorfilerneratigut. Avataaniilli atorfinitsitsisoqassappat, tassaavoq suliffeqarfiup iluaneeriinngitsumik atorfinitsitassarsiuineq. Naliginnaasumik aqutsisut HR-imilu sulisut suliffeqarfiup iluani atorfinitsinneqartarput – avataanili atorfinitsitsinerit assersuutigalugu atorfinitsitsiuisartoqarfimmiit atorfinitsitassarsiortartuniilluunniit atorfinitsitassaallutik.

Atorfinitsitassarsiuineq sunaana?

Atorfinitsitassarsiortartoq tassaavoq ilaatigut attaveqaatini ilisimasanilu naapertorlugit atorfimmut aaliangersimasumut piukkunnartunik ilisimasaqartoq. Atorfinitsitassarsiortartup ilaatigut piukkunnarsinnaasut attaveqaatimigut ilisarisimasarpai imaluunniit LinkedIn-ikkut attaveqarfigalugit. Atorfinitsitassarsiortartoq suliffeqarfimmi atorfiniffigineqartussami sulisuuneq ajorpoq, kisianni suliakkinneqartarluni suliffeqarfimmut allamut atorfinitsitassarsiortussaalluni.

Qanoq atorfinitsitassarsiortartoq akeqarpa?

Akimik aaliangersimasumik atorfinitsitassarsiortartoq qanoq akeqarneranik taasinissaq ajornartarpoq. Ilaatigut atorfissap suussusaa apeqqutaalluinnartarpoq. Aamma apeqqutaalluinnartarpoq qanoq suliassat amerlatiginersut, oqaloqatigiinnerit qanoq amerlatiginersut – aammali misilitsinnerit assigiinngittut qanoq amerlatigisut atorneqarnersut.

Qanoq atorfinitsitassarsiortartup ikiorsinnaavaanga?

Suliffeqarfiup iluani atorfinitsitsisartuungaanni ilaanni ajornaatsuinnaaneq ajorpoq sulisussamik eqqortumik piginnaanilimmik nassaarnissaq, tamatumunngalu peqqutit arlaqarsinnaapput. Ilaatigut imaassinnaavoq attaveqaatitit eqqortuunngitsut, imaluunniit sulisussarsiortarfiit kukkusut atornerisigut. Taamaalilluni atorfinitsitassarsiortartoq ikiuutaalluarsinnaavoq. Taassuma attaveqaatit ilisimasanilu atorluarlugit piukkunnarsinnaasumik nassaarsinnaasarpoq.

Sooruna atorfinitsitassarsiortartoq inuttut misissueqqissaartarpa?

Piukkunnarsinnaasoq suliassai naapertorlugit piukkunneqarsinnaasarpoq, taamaattorli aamma pingaaruteqarluinnarpoq piukkunneqartoq inuttut piukkunnassuseqarnersoq misissoqqaarnissaa. Misissuinerit assigiinngitsunik ingerlanneqarsinnaasarput, ilaatigut qanoq ittuussusaanut misissuinerit (profilanalyse) imaluunniit eqqarsarluarsinnaaneranut misissuinerit (IQ analyse). Misissuinerit taamaattut atorlugit piukkunneqartoq annerusumik ilisimaneqalersinnaasarpoq, ilaatigullu suliffimmut tulluartuunersoq misissorneqarsinnaalluni. Minnerunngitsumillu piukkunneqartup nukittuffii piginnaasaalu annerusumik takuneqarsinnaallutik.

Atorfinitsitassarsiortartup suut apeqqutigisarpai?

Atorfinitsitassarsiortartup attaveqarfigippatit paaserusussimassavaa, suliffimmut aaliangersimasumut piukkunnassutsit eqqortuunersoq. Taamatuttaaq atorfinitsitassarsiortartup paaserusussavaa suliffiit allamik taarserusussanerit – aammalu siunissaq pillugu qanoq kissaateqarnersutit paasissallugu. Atorfinitsitassarsiortartoq tamatigut toqqaannartumik apeqquteqartarpoq, pilertortumik qanoq ittuussutsit piginnaasatillu paasiniassagamigit.

Saniatigut paasissutissaq: “Atorfinitsitassatut piukkussaavunga” oqaatigisinnaavat, tassami atorfinitsitassarsiortartoq tutsaqarpat atorfinitsitassarsiortartoq, piukkunnartussarsiornissani suliaralugu aallartereersimavaa – atorfinitsitassatullu piukkussani suliakkiutigineqartutut siunnersuutigisimaguniuk.

 

Atorfinitsitassarsiortartumit attaveqarfigineqarnikuuvunga, qanoq iliussaanga?

Atorfinitsitassarsiortartumit ilaatigut LinkedIn-ikkut aperineqarsinnaavutit suliffimmut aaliangersimasumut soqutiginninnersutit. Atorfinitsitassarsiortartoq tamatigut isertuussilluinnarluni sulisarpoq, imaassinnaavormi suliffeqareersutit – taamaalilluni ittorisavit allalluuniit tusassanngimmagu oqaloqatigiissimasusi.

CEO, CMO, CIO aamma CCO suuppat?

CEO Chief Executive Officer, tassaavoq Pisortaaneq.

CMO Chef Marketing Officer, tassaavoq nittarsaassinermut pisortaq.

CIO Chief Information Officer, tassaavoq IT-mi pisortaq pisortaanerluunniit.

CCO Chief Communications Officer, tassaavoq attaveqaqatigiinnermi pisortaq.

CCO aamma Chief Commercial Officer-itut taaneqarsinnaavoq tassaallunilu tuniniaanermi nittarsaassinermilu pisortaq.

CxO-t pillugit uani atuarnerusinnaavutit.