APEQQUTIT AKISSUTISSALLU

Her kan du læse om de mest stillede spørgsmål omkring CV

IMARISAI

Qanoq sulinernilu misilittakkavit allattorsimaffiat (CV) allassaviuk?

Atera attaveqarfigineqarsinnaaffikkalu allassavakka?

Anguniakkakka inuttullu akuersinera sooq ilaatissavakka?

Qanoq piginnaasakka CV-mut allassavakka?

CV-mi sulinermik misilittakkakka, aammalu piumassutsinnik sulisimanikka qanoq allassavakka?

Ilinniarsimasakka suut allattussavakka?

Sooq sulininni naammassisimasakka allattussavakka?

Sooruna inunnik attaveqarfigineqarsinnaasunik allattuisariaqartunga?

Sooruna oqaloqatigineqarsinnaasumik ilaasoqartariaqartoq? Hvorfor skal jeg have referencer?

Qanoq sulinernilu misilittakkavit allattorsimaffiat (CV) allassaviuk?

Suliffeqarfippassuit akornanni CV atorlugu sukkasuumik misissuummik ineriartortitsisoqareernikuuvoq, atorfimmik inuttassarsiunerminni atortakkaminnik. Misissuut taanna atorfinitsitsisartunit suliffeqarfinniillu atorneqalereernikuuvoq, taamaammat pingaaruteqarpoq suliffissarsiornerit tamaasa CV ilanngunnissaa.

CV assigiinngittut marluk

CV pingaarnertut marlunnut agguarneqarnikuuvoq.

Piginnaasat naapertornerullugit CV – suliffimmik allarluinnarmik misileerusuttunut, inuusuttunut atuarfimmiik aneqqammersunut imaluunniit inunnut inuunerminni suliffeqanngillatsiartarnikunut atorneqarnerulluni.
Suliffigisimasat naapertornerullugit CV – suliffigisimasat takutinniarlugit suliffinni misilittakkanik takusassallit, suliffimminni tullianut alloriarnissaminnut atorneqarnerulluni.

CV atuaruminartunngussavat

Atorfinitsitsisartut ilaatigut 15-20 sekundit atorlugit misissupallassinnaasarpaat. CV-t allattorluarsimagukku piffissaq atorluassavaat.

Ima ilioruit CV kusanartunngussavat:

Naqinnerit atuaruminartut, qernertumik qalipaatillit tamarmik assigiimmik angissusillit
Oqaaseqatigiit naatsukullaat atukkit, allatatillu immikkoortiterlugit
Paasissutissat pillugit immikkoortitaarlugit takutikkit
Pissuserissaarlutit piviusorsiortumillu allassaatit
Naalisaanerit, oqarluartaarutillu atornaveersaakkit
Qulequtalersuinerit torrallakkit
CV quppernernik marlunnik takissuseqassaaq, pisariaqavissappat aatsaat takinerussalluni

CV Word-inngorlugu PDF-inngorlugulu toqqussavat

Suliffigisinnaasavit tamaasa atorfissaqartissinnaasarpaat

CV-imut kakkiussatit atilersukkit, qinnuteqarfiup ullua allallugu – atorfiullu qinnuteqarfigisat allallugu

Word-imi allatat allanngorukku, eqqaamassavat PDF-i nutartissagakku

Suna CV-mi allassanngiliuk?

Qalipaatit assigiinngissitaartut atussanngilatit, allattariaatsit atuaruminaassinnaasut kusanaraluarpataluunniit ilusai allanngortitissanngilatit

Inuuiit ukiutillu allassanngilatit
Aappaqarnerlutit, upperisat suunersoq bank-imilu tunngassutillit allassanngilatit
Allatatit takivallaassanngillat kukkuneqarpallaaratillu
E-mailit illarnartunngortitaassanngilaq pissuserluppasinnanilu
Suliat misilittakkat soqutigisatillu suliffittaarerusutannut tulluanngitsut allassanngilatit
Misilittakkatit piginnaasatillu pillugit sallullutit allaaserissanngilatit

Suna CV-mi allassaviuk?

CV makkuninnga imaqassaaq:

Atit, attaveqarfigineqarsinnaaffitillu allassavatit
Teknikkikkut inuttullu ilinniakkatit
Suliffimmi, inuiaqatigiinni piumassutsinnillu misilittakkatit
Ilinniakkatit pikkoriffitillu

CV aamma makkuninnga paasissutissanik imaqarsinnaavoq:

Anguniakkatit imminullu piumaffigininnut allakkiaq
Angusimasatit
Soqutigisatit
Suliffimmut paasissutissat itinerusut, soorlu ilinniartitsisuuguit ilinniartitseriaatsimik misilittagaqaruit CV-mut allassinnaavat

Attaveqarfigineqarsinnaaffikka atikkalu qanoq allassinnaavakka?

Ilaatikkit:

Atit – naggatillu (angisuumik ersarissumillu allakkit)
Najukkat
Oqarasuaat
E-maili

Piumaguit ilanngussinnaasatit:

LinkedIn-imi atuisuuffiit innersuussinnaavat
Inuttut, suliffeqarfittulluunniit nittartakkat Youtube-kkulluunniit quppernerit.

Makku isumagissavatit:

E-mailit suliffinnut attuumasariaqarpoq, soorlu: navnnavnesen@email.com
Oqarasuaatit nammineq akisartortaqarpat, atit taassavat sianeqquseqqeqqussummillu oqaaseqarlutit.

Sooruna inuttut anguniakkakka imminullu piumaffiginera ilaasariaqartoq?

Anguniakkatit taagukkit paasissutissanik tunisissaatit, ilaatigut suliffigiligassannut tulluartuunersoq paasineqarsinnaalluni.

Inuttut piumaffiginerit pillugu allassimaguit sulisitsisussarilikkavit kinaassusinnik paasitissinnaavat.

Soorlu ilanngussinnaavatit:

Maannakkut sulerisuunerlutit
Suna tunngavigalugu suliffik qinnuteqarfiginerlugu
Sulisartutut anguniakkatit.

Anguniakkatit imminullu piumaffigisatit oqariartuutigissallugit nammineq aaliangissavat, taannalu attaveqarfigineqarsinnaanernut paasissutissani allassinnaavat.

Piginnaasakka qanoq ilanngutissavakka?

Piginnaasat CV-mi allassimasut, qinnuteqartitsinermi allakkiami allassimasunut naapertuutissapput.

Teknikkikkut piginnaasatit.

CV-mi teknikkikkut piginnaasatit ilanngutikkit, assersuutigalugu allassinnaavatit:

Biilinik ingerlatsisinnaanermut allagartaq
Oqaatsit atorsinnaasatit
Qarasaasiami piginnaasatit

CV piginnaasannut naapertuuttumik allassimagukku, paasiniassavat qinnuteqartitsinermi allakkiamut naapertuunnersut, ilaatigut allallugit qanoq piginnaasatit atorluarsimanerlugit.

Taakkualu CV-mi allattuinerni siulliullugit allakkumaarpatit, assersuutigalugit:

Allattariarsornikkut oqaatsitigullu piginnaasatit
Oqallittarfinni ilaarsortaanitit
Najukkanni siulersuisuni siulittaasuusimasutit ukiut marluk.

Sulinermut tunnganerusumik CV-liorsimaguit piginnaasatit suliffinni misilittagarisimallugit allaaserissavatit.

2015-2017 Biilinik attartortarfimmi sullitanik saaffiginnittarfimmi sulisuusimallutit

Biilinut sillimmasiinermi sullitanut allattariarsornikkut oqaatsitigullu piginnaasaqarluarsimallutit

Qanormi ilillunga sulisimaninnut oqaaseqaasiussaanga, ilaatigut sulinermi imaluunniit piumassutsinnik sulisimanera naapertorlugu CV allassagukku?

Sulisimanermi imaluunniit piumassutsinnik sulisimanerit kingulliunerusut allaqqaakkit. Assersuutigalugu makku ilaatissinnaavatit:

Sulisitsisorisimasap aqqa
Atorfigisimasaq
Suliffik sumiippa
Qanga aallartippa, qangalu naammassiva

Taakkua saniatigut itisilerlugit qanoq sulisarsimanerlutit oqaluttuarissavatit.

Suliffeqarfiup iluani atorfimmut allamut nuussaguit, atorfigilerusutat atorfiillu tamaasa ilanngutissavatit.

CV sapinngisamik quppernernik marlunnik takissuseqartiguk, suut tamaasa ilannguttariaqanngilatit.

Sulisimanermut oqaluttuarisinnaasatit ilaatigut makkuusinnaapput:

Piginnaasatit naapertorlugit CV allassimagukku, assersuutigalugu:

Juli 2017-August 2018, tiggaliorfimmi atorfilik

Sullitanik kiffartuussivik
Kaffinik anginerusunik 10%-mik tunisaqarnerulerpugut

Suliffigisimasatit naapertorlugit CV allassimagukku, piginnaasaqarfigisatit itisilissavatit, soorlu:

Juli 2017-August 2018, tiggaliorfimmi atorfilik

Nerisassanut imeruersaatinullu akisussaasoq, tiggaliorfimmilu sullitanik kiffartuussineq

Sullissilluartarsimallutit pisisartunit saaffigineqaraangavit
Kaffit anginerusut pisiariortorneqalernissaanut akisussaaffeqarneq, ilaatigut 10%-mik tunisaqarnerulernermik kinguneqartumik

Iliuuserisarsimasatit suliffigisimasat pillugu oqaaseqartassaatit

Iliuuseqarfigisimasatit oqaatiginiaraangakkit, oqaatsit tamakkununnga atorneqartartut atussavatit, soorlu:

Takutsitsivunga, aqutsivunga, ineriartortitsivunga, aaqqissuussivunga.

Suliffimmi iliuuserisarsimasarnut oqaatigisassannik amigaateqarpit?

Piffissap ilaani suliffeqarsimanngikkuit, CV-llu “amigaateqarpat” piginnaasaqarfitit naapertorlugit CV allassavat.

Assersuutigalugu piffissami tassani inuttut ilinniarsimasatit takutissinnaavatit: Pilersaarusiornermut pikkorinnerulersimallutit, aningaasanut missingersuusiornissannik ilinniarsimavutit, ilaquttavilluunniit ilaat paaqqutarisimallugu.
Suliffinnik misilittakkatit piumassutsinnillu sulisimanitit suliatit pingaartinnerullugit oqaluttualioruit ilanngutissavatit.
Nittartakkatigut pikkorissarnerit assigiinngitsut

Ilinniakkatit pillugit allattuileruit ilusissaa

Ilinniakkat suliffigiligassannut tulluarnerusoq, imaluunniit ilinniagaq kingulliusoq ilanngutissavat. Aamma:

Pikkorissarnerup naammassisaqarfigisimasavit taaguutaa

Pikkorissarnermik ingerlatsisoq
Sumi ilinniarsimavit
Qanga ilinniarnerit aallartippa, aamma qanga ilinniakkat naammassiva

Sooq angusimasakka ilannguttariaqarpakka?

Angusimasatit pingaarutillit CV-mi ilanngutissavatit, piginnaasavit suliffigisimasavillu saniatigut allaaseralugit.

Ilaatigut makku paasissutissiissutigisinnaavatit:

Pinnattaarisimasatit nersualaarneqarsimanitillu
Suliat iluatsissimasut
Inuiaqatigiinnut tunniussatit pingaarutillit

Taasatit tamarmik immikkut allaaserissavatit, qanga sumilu angusimasatit angusimanerlugit.

Sooruku soqutigisakka CV-mi pingaaruteqartut?

Soqutigisavit CV-mi ilanngunnissai nammineq piumaguit allassinnaavatit, taamaalioruilli:

Qulakkiissavat soqutigisatit sulisussarsiortunut pingaaruteqarsinnaasut ilanngutissagakkit, assersuutigalugu aqutsisinnaaneq.

Soqutigisat naliginnaasut ilanngutissanngilatit, soorlu: Isiginnaarutikkut isiginnaarneq, kammalaatilluunniit aneeqatiginissai.

Sooruna oqaloqatigineqarsinnaasumik ilaasoqartariaqartoq?

Oqaloqatigineqarsinnaasut suliffigiligassanni oqaloqatigineqarpata paasissavaat suliatit qanoq ittuusimanersut aammalu inuttut qanoq ittuunersutit.

Minnerpaamik marlunnik oqaloqatigineqarsinnaasunik peqassaatit. Siulleq tassaasariaqarpoq maannakkut aqutsisorisat, imaluunniit suliffimmik misiliinerni aqqutissiuisoq.

Oqaloqatigineqarsinnaasut allat tassaasinnaapput:

Sulisitsisorisimasat
Ilinniartitsisoq, atuarfiulluunniit pisortaa

Oqaloqatigineqarsinnaasut innersuutilerukkit makkua ilanngutissavatit:

Aqqa kinguliaalu
Atorfia
Suliffeqarfik suunersoq
Oqarasuaataa
E-mailia